پرستامول
د پارسافین (پرستامول) د زرقېدونکي محلول معلوماتي بروشور
تجارتي نوم:
پارسافین (Parsafin)
جنیریک نوم:
پرستامول (Paracetamol)
د دوا بڼه او بستهبندي:
د پرستامول د وریدی زرق محلول (IV Solution) یو شفاف، استریل او معقم محلول دی چې په هر ۱۰۰ میلیلیتر کې ۱۰۰۰ میلیګرام پرستامول لري.
دغه دوا د ضد درد او ضد تب له ډلې (Analgesic & Antipyretic) څخه ده او د منځني دردونو او لنډمهاله تبو د درملنې لپاره کارېږي.
د دوا طبقه بندي:
انټيپایرتیک او انالجیزیک (د تب ضد او د درد ضد دوا)
د استعمال موارد (د استعمال ځایونه):
- د خفیف تر متوسط دردونو کنټرول او د تب کمول، په ځانګړي ډول هغه مهال چې د خولې له لارې د استعمال امکان نه وي.
- مناسب د عملیاتو وروسته دردونو، سردرد، د عضلاتو او هډوکو دردونو او تبدار حالتونو لپاره.
دوز او طریقه استعمال:
- دوا باید یوازې د وریدی (IV) له لارې تطبیق شي.
- تزریق باید د ۱۵ دقیقو په موده کې ترسره شي.
دوز:
- لویان او ماشومان د ۳۳ کیلوګرام څخه پورته وزن لرونکي:
۱۰۰ میلیلیتر (۱۰۰۰ میلیګرام) په هر دوز کې. - ماشومان د ۳۳ کیلوګرام یا کم وزن لرونکي:
دوز د ۱۵ میلیګرام د هر کیلوګرام د بدن وزن په مقابل کې (شاوخوا ۱.۵ میلیلیتر د هر کیلوګرام لپاره).
اعظمي ورځنی دوز:
- لویان پرته له د جګر د زهریت خطر: تر ۴ ګرامه په ورځ.
- لویان د جګر د زهریت د خطر سره: تر ۳ ګرامه په ورځ.
- ماشومان: تر ۶۰ میلیګرام د هر کیلوګرام وزن په ورځ، اعظمي تر ۲–۳ ګرامه پورې (د وزن له مخې).
د دوزونو ترمنځ فاصله:
- لږ تر لږه ۴ ساعته، او په د پښتورګو د سختې کمکارۍ کې ۶ ساعته.
موارد منع (کله چې استعمال نهشي کېدی):
- حساسیت د پرستامول یا د هغه د ترکیبي موادو په وړاندې.
- شدید د جګر ناکافيتوب یا فعاله د جګر ناروغي.
احتیاطونه:
- د جګر د ناکافيتوب په حالت کې باید پرستامول په احتیاط سره وکارول شي.
- د پښتورګو د ناکافيتوب په ناروغانو کې (د کراتینین کلیرانس ≤ ۳۰ ml/min) باید دوزونو ترمنځ فاصله ۶ ساعته وي.
- مزمن الکولیزم او سو تغذیه: دا حالتونه د جګر د ګلوټاتیون زېرمې کموي.
- حمل: پرستامول یوازې هغه وخت وکارول شي چې د ګټې او خطرونو دقیق ارزونه شوې وي.
- شیدې ورکول: پرستامول لږ په شیدو کې خارجېږي او د ماشوم لپاره کوم زیان نهدی ثبت شوی.
دوايي تعاملات (Interactions):
- پروبنسید: د پرستامول کلیرانس کموي، نو ممکن دوز کمولو ته اړتیا وي.
- سالیسیل امایډ: د پرستامول نیمهعمر زیاتوي.
- انزایم القا کوونکي مواد: د ګډ استعمال پر وخت احتیاط وشي.
- فمي ضدانعقادي درمل: د لوړ دوز (۴ ګرامه په ورځ د لږ تر لږه ۴ ورځو لپاره) سره ګډ استعمال ممکن د INR لږ بدلونونه رامنځته کړي؛ نو د INR څارنه سپارښتنه کېږي.
جانبي عوارض:
عام (شایع) عوارض:
- د ناراحتۍ احساس، الرژیک عکسالعملونه (لکه راش، خارښت، دانه)، زړه بدوالی، کانګې، د زرق ځای عکسالعمل (درد، سوروالی).
نادر خو جدي عوارض:
- د جګر زهریت (Hepatotoxicity)
- تړومبوسایتوپینیا (د وینې د تختو کمښت)
- اګرانولوسایتوز (د سپینو کرویاتو خطرناک کمښت)
د ساتنې شرایط:
- په حرارت کې د ۳۰ درجې سانتيګراد څخه ټیټه وساتئ.
- له لمر او یخېدو (فریز کېدو) څخه یې وساتئ.
- دوا له ماشومانو لرې وساتئ.
د عرضه کولو شرایط:
- یواځې د ډاکتر په نسخه ورکول کېږي.
د تولیدي معلومات:
- د فابریکې نوم: د پارساوا د زرقېدونکو محلولونو تولیدي فابریکه
- پته: افغانستان، هرات، صنعتي ښار، فاز ۳، سوسن ۵