لیووفلکساسین 500
تجارتي نوم: پارسالیوکس
جینریک نوم: لیووفلوکساسین
طبقه بندي: لیووفلوکساسین – د فلوروکینولون د ډلې انټيبیوتیک
د دوا بڼه:
د رګ له لارې د زرق لپاره محلول (IV Infusion) — هر ویال کې ۵۰۰ ملي ګرامه لیووفلوکساسین په ۱۰۰ ملي لیتره د زرق لپاره تیار محلول کې شته.
د استعمال موارد:
د تنفسي جهاز د پورته او لاندې برخو انتانات (سینه بغل، مزمن برونشیت، بکتریایي سینوسایتس، د روغتون سینه بغل)،
د ادراري مجرا انتانات (پیلونفریت)، د پوست او نرم انساجو انتانات، او هغه انتانات چې د نورو انټيبیوتیکونو په وړاندې مقاومت لري.
دوز او طریقه استعمال:
د لویانو عادي دوز:
۵۰۰ ملي ګرامه یو ځل په ورځ کې د ورو ورو د رګ له لارې زرق په ډول (په لږ تر لږه ۶۰ دقیقو کې).
د درملنې موده: عموماً د انتان د شدت له مخې ۷ تر ۱۴ ورځو پورې.
په هغو ناروغانو کې چې د ګردو فعالیت کمزوری وي، باید دوز تنظیم شي.
عام جانبي عوارض:
- د هاضمي سیستم: زړه بدوالی، کانګې، د خېټې درد، نس ناسته
- د عصبي سیستم: سر درد، سر ګرځېدل، بېخوبې
- نور عوارض: د ځیګر انزایمونو لوړوالی، د لمر په وړاندې د پوست حساسیت
د دوا تعاملات:
- انټياسیدونه (د منګنیزیم یا المونیم لرونکي): د دوا جذب کموي
- وارفارین: د وینې رقیق کوونکي اثر زیاتوي
- د زړه ضد درمل (Antiarrhythmics): د QT وقفي اوږدېدو خطر زیاتوي
- د تشنج ضد درمل: د عصبي تحریک خطر زیاتوي
د استعمال منع موارد:
- د لیووفلوکساسین یا د نورو کینولون ډلو درملو سره د حساسیت سابقه
- حاملګي او شیدې ورکول (مګر د ډاکتر د واضح تجویز له مخې)
- ماشومان او تنکي ځوانان (د غضروفونو د زیان له امله)
احتیاطات:
په لاندې کسانو کې باید له احتیاط سره وکارول شي:
- هغه څوک چې د فلوروکینولون درملو حساسیت لري
- د ګردو د کم فعالیت لرونکي ناروغان
- د زړه د ناروغیو لرونکي کسان
د ساتلو شرایط:
په ۲۵ درجې سانتيګراد څخه په ټیټه تودوخه کې وساتئ، له یخېدو څخه یې وساتئ، او له لمر مستقیمو وړانګو څخه یې خوندي وساتئ.
مهمې یادونې او د توزیع شرایط:
- دا دوا باید یوازې د مسلکي روغتیایي کارکوونکو لهخوا د استریل شرایطو لاندې تزریق شي.
- که د حساسیت نښې (د پوست خارښت، دانې، یا د ساه لنډوالی) څرګندې شي، فوراً د بیړنۍ څانګې سره اړیکه ونیسئ.
- دا دوا یوازې د ډاکتر په نسخه ورکول کېږي.
پته: د هرات صنعتي ښار، درېیم فاز، سوسن ۵
فابریکه: د پارساوا د زرق محلولونو تولیدي فابریکه